Успадчыну ад продкаў мы атрымалі духоўнае багацце, якім можам ганарыцца перад цэлым светам, якое павінны зберагчы і перадаць будучым пакаленням.  Багацце гэта – народныя святы, абрады, звычаі і, безумоўна,  песні, якія суправаджалі нашых землякоў на працягу ўсяго жыцця. Песняй віталі нараджэнне дзіцяці, песня гучала ў час вяселля, на святы, песня суправаджала ў дальнюю дарогу,  а хутчэй за ўсё песня вырастала з працы.

Багата на песні наша Хрысаўская зямля. У выданне ўвайшлі песні, запісаныя ад нашых землякоў: Ганны Раманаўны Тарасюк  1933 г.н., Ніны Ільінічны Вашкевіч 1933 г.н., Веры Ільінічны Вашкевіч 1942 г.н., Васіля Сцяпанавіча Вашкевіча 1937 г.н. і Вольгі Іванаўны Бранковіч 1914 г.н. Адметным з’яўляецца тое, што ўсе песні запісаны на мясцовым дыялекце.