Валуны — сведкі гісторыі / склад. А. М. Гук ; ДУК «Бярозаўская раённая бібліятэчная сістэма», Аддзел бібліятэчнага маркетынгу Бярозаўскай ЦРБ. — Бяроза, 2021. — 48 с.: іл.

Выданне знаёміць з валунамі Бярозаўшчыны, якія выкарыстоўваюцца ў якасці памятных знакаў і аб’ектаў ландшафтнага дызайну, з культавымі камянямі, звязанымі  з рэлігійнымі вераваннямі нашых продкаў. Большасць з валуноў, аб якіх ідзе размова, былі знойдзены ў нашай мясцовасці, некаторыя прывезены з іншых месцаў.

Вывучаць геалагічную каштоўнасць камянёў Бярозаўшчыны –  справа спецыялістаў, выданне ж запрашае чытача здзейсніць падарожжа па родным краі і даведацца крыху больш аб яго каменных скарбах, аб падзеях і датах, якія  ўвекавечаны на валунах. 

Валуны Бярозаўшчыны – і тыя, аб якіх ідзе размова ў выданні, і іншыя, якіх многа ляжыць на нашай зямлі,  могуць быць выкарыстаны як аб’екты пазнавальнага і сакральнага турызму, што, несумненна, будзе спрыяць іх захаванню.